ਜਨਮ ਕੀ ਹੈ, ਮੌਤ ਕੀ ਹੈ, ਤੇ ਜੀਵਨ ...

ਜਨਮ ਕੀ ਹੈ ? ਮੌਤ ਕੀ ਹੈ ? ਤੇ ਜੀਵਨ ਕੀ ਹੈ ? ਅਗਰ ਮਨੁਖ ਇਹਨਾਂ ਤਿੰਨਾਂ ਦੀ ਸਮਝ ਪੈ ਜਾਏ ਤੋ ਫਿਰ ਜਿੰਦਗੀ ਮੁਕੰਮਲ ਹੋ ਜਾਂਦੀ ਹੈ। ਬਹੁਤ ਸਾਰੇ ਮਨੁਖਾਂ ਨੂੰ ਨਾ ਤਾ ਜਨਮ ਦਾ ਪਤਾ ਹੈ ,ਤੇ ਨਾ ਹੀ ਜੀਵਨ ਦਾ ਅਤੇ ਨਾ ਹੀ ਮੌਤ ਦਾ ਪਤਾ ਹੈ। ਸਤਿਸੰਗ ਦਾ, ਗੁਰਦੁਆਰੇ ਆਣ ਦਾ ,ਬਸ ਇਨਾਂ ਹੀ ਮਤਲਬ ਹੈ ,ਕਿ ਐ ਮਨੁਖ ਤੇਰੀ ਜਿੰਦਗੀ ਚ ਆਹ ਜੇਹੜੀਆਂ ਘਟਨਾਵਾ ਘਟਦੀਆਂ ਨੇ ,ਇਹਨਾਂ ਦਾ ਤੈਨੂ ਬੋਧ ਹੋਵੇ ,ਇਹਨਾਂ ਦਾ ਤੈਨੂ ਗਿਆਨ ਹੋਵੇ । ਇਕ ਪੰਗਤੀ ਹੈ ਜਪੁਜੀ ਸਾਹਿਬ ਦੀ :- “ਜੋਰੁ ਨ ਜੀਵਣਿ ਮਰਣਿ ਨਹ ਜੋਰੁ।।" ਅਸੀਂ ਆਪਣੀ ਮਰਜ਼ੀ ਦੇ ਮੁਤਾਬਕ ਜਨਮ ਨਹੀ ਲੈਂਦੇ। ਇਹ ਚੋਣ ਸਾਡੇ ਉਤੇ ਨਹੀ ਹੈ। ਜੈਸੇ ਅਸੀਂ ਕੋਈ ਮਕਾਨ ਬਨਾਣਾ ਹੋਵੇ, ਤੇ ਅਸੀਂ ਮਕਾਨ ਤੋਂ ਨਹੀਂ ਪੁਛਦੇ ਕਿ ਬਈ ਤੂੰ ਬਨਣਾ ਵੀ ਚਾਹੁੰਦਾਂ ਹੈ ਯਾ ਨਹੀਂ। ਬਿਨਾਂ ਪੁਛੇ ਬਣਾ ਲੈਂਦੇ ਹਾਂ। ਤੇ ਜੇ ਉਸਨੂ ਢਾਣਾ ਹੋਵੇ ਤੇ ਅਸੀਂ ਨਹੀ ਪੁਛਦੇ ਕੇ ਬਈ ਏ ਮਕਾਨ ਅਸੀਂ ਤੈਨੂ ਢਾਣ ਲਗੇ ਆਣ ਤੂੰ ਢਹਿਣਾ ਵੀ ਚਾਹੁੰਦਾਂ ਹੈ ਯਾ ਨਹੀਂ।ਨਹੀ ਪੁਛਦੇ। ਢਾਹ ਛਡਦੇ ਹਾਂ , ਤੇ ਬਣਾ ਛਡਦੇ ਹਾਂ। ਇਸੇ ਤਰੀਕੇ ਨਾਲ ਪਰਮਾਤਮਾ,ਸਾਥੋਂ ਪੁਛਦਾ ਨਹੀ ਬਈ ਤੂੰ ਜੰਮਣਾ ਵੀ ਚਾਹੁੰਦਾਂ ਹੈ ਯਾ ਨਹੀਂ, ਜਾਂ ਮਿਟਣਾ ਵੀ ਚਾਹੁੰਦਾ ਹੈ ਯਾ ਨਹੀ।