ਕਬੀਰਾ ਧੂਰਿ ਸਕੇਲਿ ਕੈ ...

ਜਿਹੜਾ ਮਨੁੱਖ ਬੁੱਢਾ ਹੈ , ਉਹ ਕੁੱਝ ਦਿਨ ਪਹਿਲਾਂ ਜਵਾਨ ਸੀ, ਜਿਹੜਾ ਜਵਾਨ ਹੈ , ਉਹ ਕੁੱਝ ਦਿਨ ਪਹਿਲਾਂ ਬੱਚਾ ਸੀ,ਜਿਹੜਾ ਬੱਚਾ ਹੈ , ਕੁੱਝ ਦਿਨ ਪਹਿਲਾਂ ਮਾਸ ਦਾ ਲੋਥੜਾ ਸੀ, ਜਿਹੜਾ ਮਾਸ ਦਾ ਲੋਥੜਾ ਹੈ , ਕੁੱਝ ਦਿਨ ਪਹਿਲਾਂ ਬਿੰਦ ਸੀ, ਜਿਹੜਾ ਬਿੰਦ ਹੈ , ਉਹ ਕੁੱਝ ਦਿਨ ਪਹਿਲਾਂ ਖੂਨ ਸੀ, ਜਿਹੜਾ ਖੂਨ ਹੈ, ਉਹ ਕੁੱਝ ਦਿਨ ਪਹਿਲਾਂ ਖੁਰਾਕ ਸੀ, ਜਿਹੜੀ ਖੁਰਾਕ ਹੈ , ਉਹ ਕੁੱਝ ਦਿਨ ਪਹਿਲਾਂ ਮਿੱਟੀ ਸੀ। ਮਿੱਟੀ ਤੋਂ ਖੁਰਾਕ ਚਲੀ , ਖੁਰਾਕ ਤੋਂ ਖੂਨ ਬਣਿਆ, ਖੂਨ ਤੋਂ ਬਿੰਦ ਬਣਿਆ, ਬਿੰਦ ਤੋਂ ਮਾਸ ਦਾ ਲੋਥੜਾ ਬਣਿਆ, ਮਾਸ ਦਾ ਲੋਥੜਾ ਬੱਚਾ ਬਣਿਆ, ਬੱਚਾ ਜੁਆਨ ਬਣਿਆ, ਜੁਆਨ ਬੁੱਢਾ ਬਣਿਆ, ਬੁੱਢਾ ਮਿੱਟੀ ਚ ਮਿੱਟੀ , ਮਿੱਟੀ ਆਖਰੀ ਮਿੱਟੀ ਵਿੱਚ ਮਿਲ ਗਈ ਪਰ ਮਨ ਪ੍ਰਮਾਤਮਾ ਵਿੱਚ ਪ੍ਰਮਾਤਮਾ ਨਹੀਂ ਹੋਇਆ। ਭਗਤ ਕਬੀਰ ਜੀ ਕਹਿੰਦੇ ਹਨ :- ਕਬੀਰਾ ਧੂਰਿ ਸਕੇਲਿ ਕੈ ਪੁਰੀਆ ਬਾਂਧੀ ਦੇਹ॥ ਦਿਵਸ ਚਾਰਿ ਕੋ ਪੇਖਨਾ ਅੰਤਿ ਖੇਹ ਕੀ ਖੇਹ॥੧੭੮॥ ਗੁਰੂ ਗ੍ਰੰਥ ਸਾਹਿਬ - ਅੰਗ ੧੩੭੪ ਗਿਆਨੀ ਸੰਤ ਸਿੰਘ ਜੀ ਮਸਕੀਨ ਸੇਵਾ ਦਲ